Quen somos
Persoal investigador posdoutoral do Centro de Investigación Mariña
CIM-Renova é un programa impulsado por persoal investigador con contratos posdoutorais competitivos (Ramón y Cajal, Xunta de Galicia, Juan de la Cierva, Retención de Talento, etc.) que desenvolve a súa carreira no Centro de Investigación Mariña (CIM) da Universidade de Vigo, no campus de Vigo ou de Ourense.
Formamos parte de grupos consolidados e desenvolvemos liñas de investigación novidosas, con técnicas e coñecementos que poden enriquecer o traballo doutros equipos. CIM-Renova nace para que esas liñas se recoñezan, medren e se compartan. O noso traballo organízase en catro liñas de investigación emerxentes.
Esta é unha iniciativa colaborativa e aberta: tratamos de sumar aos grupos existentes buscando o progreso conxunto, e aceptamos incorporacións de novo persoal investigador cun contrato posdoutoral competitivo.
Misión
Impulsar unha investigación mariña de excelencia desde a etapa posdoutoral, unindo as capacidades do seu persoal investigador, potenciando a lideranza posdoutoral e apoiando o novo talento investigador.
Visión
Ser unha comunidade estable e recoñecida de investigación posdoutoral en ciencias do mar, integrada no CIM e aberta á colaboración con outros centros, empresas e institucións.
Obxectivos
Compartir coñecementos, técnicas e servizos con toda a comunidade do CIM, fomentar sinerxías e intercambios con outros grupos, apoiar a carreira investigadora de xoves investigadoras e investigadores e divulgar o seu traballo dentro e fóra da universidade.
CIM-Renova
Obxectivos
- Impulsar Liñas emerxentes do CIM
- Potenciar Lideranza posdoutoral
- Fortalecer O CV de investigadoras e investigadores do CIM
- Apoiar Novo talento
Estratexias
- Compartir Técnicas, servizos e coñecementos
- Organizar Obradoiros e seminarios transversais
- Deseñar Propostas conxuntas
- Conectar Xoves pre- e posdocs con sénior
Resumo dos obxectivos e estratexias do programa CIM-Renova.
Quen formamos CIM-Renova
Actualmente formamos parte do programa 10 persoas cun contrato posdoutoral competitivo. Agrupámonos en 4 liñas emerxentes, cada unha con unha ou dúas persoas á fronte. No apartado Investigación, podes consultar en que consisten e as técnicas e servizos que ofertamos. Quen lidera unha liña emerxente actúa como nodo de coñecemento: comparte a súa experiencia, ofrece as súas técnicas e servizos, e conecta equipos que quizais non coincidiran antes. Se tes algunha suxestión ou queres propoñer unha colaboración, non dubides en contactar coa coordinación do programa ou das liñas emerxentes:
Coordinación:
-
Jorge Eiras Barca
Investigador Ramón y Cajal. Environmental Physics Laboratory (EPhysLab), campus de Ourense.
-
Diego Fernández Nóvoa
Investigador posdoutoral da Xunta de Galicia. Environmental Physics Laboratory (EPhysLab), campus de Ourense.
-
Iria García Moreiras
Investigadora posdoutoral da Xunta de Galicia. Xeoloxía Mariña e Ambiental (GEOMA, XM-2), campus de Vigo.
Integrantes:
-
Xurxo Costoya Noguerol
Investigador Ramón y Cajal. Environmental Physics Laboratory (EPhysLab), campus de Ourense.
-
Marisela Des Villanueva
Investigadora posdoutoral da Xunta de Galicia. Environmental Physics Laboratory (EPhysLab), campus de Ourense.
-
Carolina Gil Lozano
Investigadora con contrato de retención de talento da Universidade de Vigo. Oceanografía Xeolóxica e Bioxeoquímica (XM-1), campus de Vigo.
-
Albenis Pérez Alarcón
Investigador posdoutoral da Xunta de Galicia. Environmental Physics Laboratory (EPhysLab), campus de Ourense.
-
Rogert Sorí Gómez
Investigador Ramón y Cajal. Environmental Physics Laboratory (EPhysLab), campus de Ourense.
-
Milica Stojanovic
Investigadora posdoutoral da Xunta de Galicia. Environmental Physics Laboratory (EPhysLab), campus de Ourense.
Que ofrecemos
Actividades presenciais e virtuais que serán anunciadas na sección de Actualidade e a través das canles habituais de comunicación do CIM.
A nosa oferta irase adaptando ás necesidades do CIM, así que as túas suxestións son benvidas. Propoñemos organizar diferentes tipos de actividades:
- Cursos e seminarios de habilidades transversais dirixidos a toda a comunidade investigadora do CIM.
- Obradoiros metodolóxicos sobre bases de datos, técnicas emerxentes, etc.
- Webinars e sesións informais para fomentar sinerxías entre grupos e apoiar propostas conxuntas.
- Apoio a xoves investigadores: sesións dirixidas a persoal investigador predoutoral e posdoutoral júnior para orientar a súa carreira científica, establecer conexións con persoal sénior e axudar a fortalecer o seu CV.
Ademais, na descrición das liñas de investigación CIM-Renova atoparás un listado coas técnicas e servizos que ofrece cada liña.
Como participar?
Estamos abertos a novas incorporacións: se te incorporaches como persoal investigador posdoutoral do CIM con cargo a contratos ou bolsas competitivas, ou coñeces a alguén que o fixese, contacta connosco para unirte ao noso programa e comezar a potenciar a túa liña de investigación.
As actividades, servizos e técnicas de CIM-Renova están dirixidas a todo o CIM, desde estudantes predoutorais ata investigadoras e investigadores sénior. Se tes unha idea, unha necesidade técnica ou ganas de colaborar, escríbenos a cim.renova@uvigo.gal.
Anunciaremos as actividades en Actualidade.